Պակիստանի հյուսիսում Մի-17 ուղղաթիռի կործանման հետեւանքով զոհված դիվանագիտական ներկայացուցիչների թիվը հասել է 3-ի այն բանից հետո, երբ մայիսի 19-ին Սինգապուրի հիվանդանոցում մահացել է Պակիստանում Ինդոնեզիայի դեսպան Բուրհան Մուհամմեդը։ Այս մասին հայտարարել է Ինդոնեզիայի արտգործնախարարը։

Ավելի վաղ հայտնի էր դարձել, որ դեսպանը մարմնի 75 տոկոս այրվածքներով տեղափոխվել է Սինգապուրի հիվանդանոց, փոխանցում է «ՌԻԱ Նովոստի-ն»։

Պակիստանում օտարերկրյա պատվիրակություն տեղափոխող Մի-17 ուղղաթիռը  կործանվել էր մայիսի 8-ին։ Զոհվել էին Նորվեգիայի ու Ֆիլիպինների դեսպանները, Մալայզիայի եւ Ինդոնեզիայի դեսպանների կանայք, 2 օդաչու եւ անձնակազմի մեկ անդամ։ Վիրավորվել էին Լեհաստանի եւ Նիդերլանդների դեսպանները եւ Լեհաստանի դեսպանի կինը։