Հայաստանն ու Ռուսաստանը հումանիտար արձագանքման համատեղ փրկարար կենտրոն կբացեն։ Այս մասին գրում է «ՌԻԱ Նովոստի»-ն՝ վկայակոչելով ՌԴ ԱԻՆ իր աղբյուրները։

Գործակալության տեղեկություններեով՝ կենտրոնի հիմնադրման մասին միջկառավարական համաձայնագրի ստորագրումը տեղի կունենա Մոսկվայում բացված «Համալիր անվտանգություն 2015» միջազգային սրահի շրջանակներում։

«ՌԴ եւ ՀՀ կառավարությունների միջեւ կստորագրվի հումանիտար արձագանքման համատեղ փրկարար կենտրոնի ստեղծման մասին համաձայնագիր։ Դա թույլ կտա օպերատիվ եւ արդյունավետ կերպով արձագանքել երկու երկրների սահմանամերձ տարածքներում, ինչպես նեաւ երրորդ երկրներում արտակարգ իրավիճակներին»,- ասել է գործակալության զրուցակիցը։