Ռիգայի գագաթնաժողովը կհստակեցնի, որ Եվրամիությունը ներառական քաղաքականության հետ մեկտեղ տարբերակված մոտեցում է ցուցաբերելու «Արեւելյան գործընկերության» 6 երկրներից յուրաքանչյուրի նկատմամբ։ Այս մասին մայիսի 19-ին հայտարարել է Եվրամիության բարձրաստիճան մի պաշտոնյա, որը ցանկացել է անանուն մնալ։
Նրա խոսքով՝ Ռիգայի գագաթնաժողովը վկայում է, որ ԵՄ-ն եւ նրա 6 գործընկերները լի են «Արեւելյան գործընկերության» ծրագիրը շարունակելու վճռականությամբ։ «Երկրորդ, Արեւելյան գործընկերության ծրագիրն իրենից երբեք առճակատման քաղաքականություն չի ներկայացրել, տարանջատման քաղաքականություն չի եղել։ «Արեւելյան գործընկերության» ծրագիրը առավել տարբերակված եւ դիվերսիֆիկացված է դառնալու։ Ռիգայի գագաթնաժողովը ցույց կտա, որ «Արեւելյան գործընկերության» ծրագիրը շարունակում է արդյունավետ աշխատել»,- հավելել է նա