Ոստիկանության Երեւան քաղաքի վարչության եւ Արաբկիրի բաժնի ծառայողները Ադոնցի փողոցի եւ Ազատության պողոտայի խաչմերուկից, «Աուդի Ա-3» մակնիշի ավտոմեքենայով, բերման են ենթարկել 1984 թ. ծնված Առնո Մ.-ին, 1979 թ. ծնված Արսեն Լ.-ին եւ 1983 թ. ծնված Հարություն Թ.-ին:
Ոստիկանության լրատվության վարչությունից հայտնում են, թե ավտոմեքենայի զննությամբ հայտնաբերվել է երկու պոլիէթիլենային փաթեթ` մոտ 2 գ ընդհանուր քաշով, շագանակագույն յուրահատուկ հոտով ափիոնանման մածուցիկ զանգվածով, եւ փայլաթիթեղի մեջ փաթեթավորված սուբոտեքս տեսակի թմրամիջոցի դեղահաբին նմանվող կես դեղահաբ՝ «B» գրառումով, որոնք ըստ Արսեն Լ.-ի բանավոր հայտարարության` պատկանում են իրեն եւ «ափիոն» ու «սուբոտեքս» տեսակի թմրամիջոցներ են:
Նշանակվել է փորձաքննություն:
Կատարվում է հետաքննություն:
