Եվրահանձնաժողովը Եվրոպայի խորհրդին խորհուրդ է տվել իրեն թույլ տալ բանակցություններ վարել Հայաստանի հետ շրջանակային համաձայնագրի թարմացման հարցով, որը հաշվի կառնի Եվրասիական տնտեսական միության առջեւ երկրի պարտավորությունները։ Այս մասին ասված է Եվրահանձնաժողովի կոմյունիկեում, փոխանցում է «ՌԻԱ Նովոստի»-ն։
«Խորհուրդ է տրվում ընդունել Խորհրդի որոշումը, որը Եվրահանձնաժողովին եւ ԵՄ քաղաքականության եւ արտաքին գործերով բարձր ներկայացուցիչ Ֆեդերիկա Մողերինիին թույլ կտար բանակցություններ սկսել շրջանակային համաձայնության շուրջ։ Այն կներկայացվի անդամ երկրներին վերջնական ընդունելու համար»,- ասված է կոմյունիկեում։
Հայաստանի եւ ԵՄ-ի միջեւ գործընկերության համաձայնագիրը ստորագրվել էր 1999թ.։ Այն ընդգրկում է քաղաքական երկխոսության, առեւտրի, ներդրումների, էկոնոմիկայի եւ մշակույթի ոլորտներում համագործակցությունը։ 2013թ. Հայաստանն եւ ԵՄ-ն հաստատեցին «Արեւելյան գործընկերության» ծրագրի շրջանակներում բոլոր ոլորտներում համագործակցությունը զարգացնելու եւ ամրապնդելու իրենց որոշումը։ Անցյալ տարի ԵՄ-ն եւ Հայաստանը սկսեցին դիտարկել նոր թարմացված համաձայնությունը, որը սահմանում է համագործակցության այն ոլորտները, որոնք համատեղելի են ԵՏՄ-ի առաջ Հայաստանի ստանձնած պարտավորություններին։
