Ճապոնիայում այս տարի նոր միտում է տարածվել. այստեղ իսկական ուտեստներ են պատրաստում փոքրիկ տիկնիկային խոհանոցում՝ օգտագործելով խաղալիք սպասք: Այդ կերպ սենդվիչներ, մակարոն, մսային ուտեստներ են պատրաստում: Իսկ ամենից ինքնատիպը «Miniature Space» ստուդիայի պատրաստածն է. կրեմով տորթ, որն իսկական թխվածքի տեսք ունի՝ չնայած 5 սանտիմետրանոց տրամագծին:
Ըստ Kedem-ի, տիկնիկների համար տորթը պատրաստված է ավանդական բրիտանական բաղադրատոմսով՝ թարմ ելակով եւ կրեմով: Տորթը պատված է ջնարակով, իսկ վերեւից՝ զարդարված թարմ ելակով: Տիկնիկների համար տորթի պատրաստման մասին տեսանյութը համացանցում արդեն մեկ միլիոն դիտում է ունեցել:
