Եվրամիության «Արեւելյան գործընկերության» գագաթնաժողովում Ուկրաինան երաշխիքներ է ուզում առ այն, որ ինքը ԵՄ-ի անդամակցության հարմար թեկնածու է, եւ որ իր քաղաքացիները եկող տարվանից ԵՄ անվիզա մուտքի ռեժիմ կստանան։ Այս մասին հայտարարել է Ուկրաինայի արտգործնախարար Պավել Կլիմկինը, հայտնում է Reuters-ը։
«ԵՄ-ն արդեն պայմանավորվել է Ուկրաինայի հետ ազատ առեւտրի մասին։ Իսկ հիմա մենք Ռիգայում ուզում ենք կոնկրետ երաշխիքներ ստանալ, որ Ուկրաինան ԵՄ-ին ապագայում անդամակցելու իրավունք ունի»,- Die Welt-ին տված հարցազրույցում ասել է Կլիմկինը։