Դողու Փերինչեքը Հայոց ցեղասպանությունը չէր հերքում միայն հանուն խոսքի ազատության։ Այս մասին մայիսի 21-ին խորհրդարանում հայտարարեց ՀՀ գլխավոր դատախազ Գեւորգ Կոստանյանը։
«Ակնհայտ է, որ Փերինչեքը նպատակը ոչ թե գիտական բանավեճն է այն մասին, թե կարելի է արդյոք կատարվածը Ցեղասպանություն անվանել։ Իր հայտարարությունները նա անում է բացառապես Թալեաթ փաշային պաշտպանելու համար։ Եթե խոսենք զուտ իրավական տեսանկյունից, ապա Եվրոպական դատարանը, թե նման հայտարարությունը որքանով կարող է թշնամանք սերմանել հասարակության մեջ։ Եթե նման հայտարարություն արվեր Զիմբաբվեում, էֆեկտը այլ կլիներ, իսկ եթե արվում էեվրոպական հանրության շրջանում, ապա այլ, ավելի ուժեղ։ Եվ ՄԻԵԴ-ը դա հաշվի առավ»,- ասաց գլխավոր դատախազը։
Հիշեցնենք, որ 2008 թվականին Շվեյցարիայի դատարաններից մեկը Հայոց ցեղասպանությունը ժխտելու համար դատապարտել էր Թուրքիայի Աշխատավորական կուսակցության առաջնորդ Դողու Փերինչեքին։
Փերինչեքը դիմել էր ՄԻԵԴ եւ նախորդ տարի դեկտեմբերին ՄԻԵԴ-ը բավարարել է Փերինչեքի հայցն ընդդեմ Շվեյցարիայի։
Շվեյցարիան բողոքարկել է ՄԻԵԴ-ի որոշումը, որից հետո Հայաստանը դիմել է ՄԻԵԴ եւ հանդես է գալիս որպես 3-րդ կողմ։ Հայաստանի շահերը ներկայացնելու է հայտնի խումբ Ամալ Ռամզի Քլունիի մասնակցությամբ։
