Երեւանի բնակիչ, նախկինում մի քանի անգամ դատապարտված Հայկ Գալստյանը կասկածվում է խաբեությամբ մեքենա հափշտակելու մեջ:
Մայիսի 7-ին ոստիկանության բաժին էր դիմել մի տաքսու վարորդ եւ հայտնել, որ տասն օր առաջ իր ուղեւորներից մեկը խաբեությամբ հափշտակել էր իր մեքենան, թալանել, ապա թողել Ուլնեցի փողոցում եւ հեռացել:
Ոստիկանության աշխատակիցներին հաջողվել է պարզել, որ ապրիլի 27-ին Հայկ Գալստյանը նստել է տաքսի, սկզբում պատվիրել իրեն տանել Նոր Նորքի զանգված, ապա Չարենց փողոց: Ճանապարհին ընկերացել էին եւ Հայկը խնդրել էր տաքսու վարորդին մեքենան մի քանի րոպեով իրեն տալ: Վարորդն էլ համաձայնել էր, որից հետո Հայկը մեքենայով հեռացել էր: Սակայն հասնելով Ուլնեցի փողոց՝ մեքենան խափանվել էր, Հայկն էլ, գողանալով մեքենայի հաշվիչ սարքը, մի քանի պահեստամասեր, թողել էր մեքենան ճանապարհին եւ հեռացել:
Կատարվում է քննություն:
Մանրամասները՝ ոստիկանության պատրաստած տեսանյութում:
