Ռուս ընդդիմադիր քաղաքական գործչ Բորիս Նեմցովի սպանության գործով նոր ֆիգուրանտ է հայտնվել՝ Չեչնիայի բնակիչ Ռուսլան Մուհադինովը, գրում է «Կոմերսանտ»-ը։
Ռուսիկ անունը շրջանառվում էր մեղադրյալ Զաուր Դադաեւի նախնական ցուցմունքում։ Նա հայտարարել էր, որ ոմն Ռուսիկ իրեն եւ հանցագործության մյուս ենթադրյալ մասնակիցներին մեքենա, ատրճանակ եւ փամփուշտներ էր տրամադրել եւ Նեմցովի սպանության համար 25 մլն ռուբլի հոնորար խոստացել։ Հետո Դադաեւը իր այս ցուցմունքից հրաժարվել էր՝ հայտարարելով, նման բան է ասել կտտանքների ենթարկվելու պատճառով։
Նշենք, որ Ռուսլան Մուհադինովին գտնել չի հաջողվել, սակայն քննությունը պարզել է, որ Մոսկվայում հենց նա է օգտվել Mercedes ML մեքենայից, որով հանցագործները դեպքի վայրից դիմել էին փախուստի։
