Էլեկտրացանցերի վատ կառավարման մասին մտահոգությունները չի կարելի լիովին անհիմն համարել։ Այս մասին մայիսի 22-ին խորհրդարանական ճեպազրույցների ժամանակ հայտարարել է ԱԺ ՀՀԿ խմբակցության քարտուղար Գագիկ Մելիքյանը։
Ըստ նրա՝ սակագինը բարձրացնելու մասին ՀԷՑ-ի հայտը չի կարելի ամբողջովին հիմնավորված համարել եւ առանց առարկությունների դա հիմք ընդունել։ Քանի դեռ Հանրային ծառայությունները կարգավորող հանձնաժողովում նման քննարկումներ չեն եղել, կոնկրետ բանի մասին խոսել չենք կարող։ «Սակագների բարձրացման հիմնավորումների մեջ առաջինը, ինչ կարող է առաջ գալ, փոխարժույթի բարձրացումն է։ Սակայն բացառված չէ, որ քննարկումների ժամանակ եւ ուրիշ հիմնավորումներ առաջ գան»,- հավելեց պատգամավորը։