Հունաստանն ու Ռուսաստանը ավարտում են Հունաստանի տարածքով «Թուրքական հոսք» գազատարի շարունակության շուրջ բանակցությունները։ Այս մասին հայտարարել է Հունաստանի արդյունաբերական բարեփոխումների, շրջակա միջավայրի եւ էներգետիկայի նախարար Պանայոտիս Լաֆազանիսը։
«Բանակցությունները ռուսական կողմի հետ եզրափակիչ փուլում են գտնվում։
Այս գազատարի շնորհիվ Հունաստանը պյուրալիստիկ էներգետիկ հանգույց կդառնա եւ ցածր գնով գազ կստանա։ Սա պետության եւ ժողովրդի շահերից է բխում»,- մեջբերում է նրա խոսքը «ՌԻԱ Նովոստի»-ն։
Նա նշել է, որ իրենք հաշվի են առնում այն հանգամանքը, որ Հունաստանի տարածքով անցնող գազատարը անհանգստացնում է եվրոպական այլ երկրների, սակայն իրենց դիրքորոշումը փոխել չեն պատրաստվում։
