Եվրամիությունը փոխհամաձայնության է հասել Հայաստանի հետ ապագա հարաբերությունների շուրջ. մենք կարող ենք խորացնել Երեւանի հետ հարաբերությունները: ԵՄ «Արեւելյան գործընկերության» գագաթաժողովի արդյունքներով այս մասին մայիսի 22-ին Ռիգայում հայտարարել է Եվրոպայի խորհրդի նախագահ Դոնալդ Տուսկը:
«Մենք նաեւ ընդունել ենք Ադրբեջանի՝ ԵՄ-ի հետ հարաբերությունների պայմանագրային հիմքերը թարմացնելու առաջարկները»,- նշել է Տուսկը:
«Մենք ողջունում ենք Մոլդովայի հետ առանց վիզայի ռեժիմի ստեղծումը, նույն ուղղությամբ աշխատում ենք նաեւ Հայաստանի եւ Բելառուսի հետ: Ուկրաինան եւ Վրաստանն ամենից մոտն են այդ ռեժիմին, բայց այդ հարցում շատ բան կախված կլինի հենց վերջիններից»,- հավելել է Եվրոպայի խորհրդի ղեկավարը: