Երեւանում այսօր` մայիսի 22–ին, 13-րդ հարկից ընկած Յաշա Մ.-ին վերջերս էին հեռացրել աշխատանքից, քանի որ թոշակի պետք է անցներ: Այս մասին NEWS.am-ի հետ զրույցում ասացին նրա հարևանները. «Հնարավոր է` գործից հանել են, դա է ծանր տարել, դե 60–նն անց էր, պետք է թոշակի անցներ, երևի չի հարմարվել»:

Հարևանների խոսքով` Յաշայ Մ-ի կինը վատառողջ էր, և նրա վիճակն ավելի էր բարդացել վերջին 1 տարվա ընթացքում: Ապրում էր կնոջ, տղայի ու հարսի հետ, որոնց հետ լավ հարաբերությունների մեջ էր. «Կնոջ վիճակն այս տարի ավելի վատացավ, քանի որ 1 տարվա մեջ կորցրեց քույրերին ու եղբայրներին, շատ ծանր էր տանում: Նա կնոջն  արտակարգ պահում էր, շենքում բոլորը սիրում էին նրան: Երկու տղա ունի, մեկն իրենց հետ է ապրում, մյուսն էլ Գերմանիայում: Երկար ժամանակ այս շենքում են ապրում, դրանից առաջ Ռուսաստանում են ապրել: Խելոք ու անշառ մարդ էր, չգիտենք, թե ինչի է այդ քայլին գնացել: Այնքան բարի մարդ էր, որ իրեն ցած նետելուց մտածել ա, որ շենքի հետևի մասի ննջասենյակի պատշգամբից նետվի, որ հանկարծ շենքի բակում ինչ-որ մեկը չտեսնի ու վախենա»:

Ավելի վաղ հայտնել էինք, որ ՏԿԱԻՆ փրկարար ծառայությունը մայիսի 22-ին, ժամը 14.25-ին ահազանգ է ստացել, որ Երեւանի 16-րդ թաղամասի թիվ 15 շենքից քաղաքացի է ընկել ու մահացել։