«Թուրքական հոսք» գազատարի գործարկումը ամենայն հավանականությամբ պետք է ակնկալել 2017թ.-ից հետո։ Այս մասին «Ինտերֆաքս»-ի հետ զրույցում հայտնել է Ռուսաստանում Թուրքիայի դեսպան Ումիթ Յարդըմը։
Դեսպանի խոսքով՝ Թուրքիան եւ Ռուսաստանը դեռեւս չեն հասել նախագծի մեկնարկի փուլին։ «Հավանաբար այսօր ճիշտ չի լինի 2016թ. կամ 2017թ. նշել որպես դրա գործարկման ամսաթիվ։ Իմ կարծիքով, եթե մենք կարողանանք իրականացնել այդ նախագիծը, ապա դա Թուրքիայի եւ Ռուսաստանի համար մեծ հաղթանակ կլինի։ Մեր երկրները շարունակում են շփումները այդ հարցով»,- հայտարարել է Յարդըմը։
Նա նաեւ նշել է, որ այս պահին Ռուսաստանի եւ Թուրքիայի միջեւ այդ նախագծի շուրջ պարտավորեցնող պայմանագիր չի ստորագրվել։ «Սակայն թե՛ ռուսական, թե՛ թուրքական կողմը ձգտում եւ ցանկություն ունեն կյանքի կոչել «Թուրքական հոսք» նակագիծը»,- նշել է դեսպանը։
Ավելի վաղ «Գազպրոմի» ղեկավար Ալեքսեյ Միլլերը հայտարարել էր, որ «Թուրքական հոսքի» շահագործումը պլանավորված է 2016թ. դեկտեմբերին։
