Հնդկաստանի հարավային նահանգներում վերջին 4 օրում անբնական շոգ եղանակից զոհերի թիվը հասել է 500-ի: Ավելի վաղ հաղորդվել էր 335 զոհի մասին:
Times of India-ի փոխանցմամբ, նախնական տվյալներով, միայն մայիսի 24-ին շոգից մահացել է 165 մարդ: Ամենաբարձր ջերմաստիճանը գրանցվել է Անդհրա Պրադեշ նահանգի Մաչիլիպատնամ եւ Թունի քաղաքներում, որտեղ ջերմաստիճանը հասել է 47 աստիճանի:
Շոգից տառապող նահանգների իշխանությունները խորհուրդ են տալիս մարդկանց պահպանել անվտանգության կանոները եւ դուրս չգալ փողոց:
