Հայաստանի իշխանությունները կործանման եզրին են, նրանց ստեղծած համակարգն արդեն փլուզվում է: Այս մասին այսօր՝ մայիսի 25-ին, լրագրողների հետ հանդիպմանն ասաց «100-ամյակն առանց ռեժիմի» շարժման առաջնորդ, ազատամարտիկ Ժիրայր Սեֆիլյանը` նշելով, որ հարկավոր է համակարգի փլուզումը կանխելուն ուղղված գործողություններ իրականացնել, որպեսզի հայ ազգը չհայտնվի փլատակների տակ:
Նրա խոսքով՝ Հայաստանի իշխանությունները «100-ամյակն առանց ռեժիմի» շարժման անդամներին «վախից» է եղել ձերբակալել՝ նաեւ նպատակ ունենալով, վախ սերմանել իրենց համակիրների շրջանում։ «Մենք բազմաթիվ անգամ ասել էինք, որ ոչ մի անկարգություն չի լինելու, ինչևէ, նրանց հաջողվեց կասեցնել մեր մոբիլիզացիան, նաեւ այն պատճառով, որ շարժման առաջնորդները կալանքի տակ էին, այնուամենայնիվ, ապրիլի 24–ի հանրահավաքը կայացավ, իսկ մեզ ձերբակալելով, ռեժիմը մեզ նոր ուժ տվեց պայքարելու իրենց դեմ»: