«Օֆշորի» գործով նախաքննության ավարտի մասին տուժող, սնանկացման եզրին կանգնած գործարար Փայլակ Հայրապետյանը որեւէ տեղեկություն չունի: Այս մասին NEWS.am-ի թղթակցի հետ զրույցում ասաց Փայլակ Հայրապետյանը:

Նա նշեց, որ անձնական հարցերով գտնվում էր արտերկրում, նոր է վերադարձել եւ դեռ իրեն որեւէ բան չեն հայտնել: Հարցին, թե ինչպես եք վերաբերում, որ այդպես էլ ոչ մի պաշտոնյա չհայտնվեց մեղադրյալի աթոռին, Փայլակ Հայրապետյանը ասաց, թ ինչպես պաշտոնյանները կարող էին հայտնվել մեղադրյալի աթոռին:  Գործարարն ասաց, որ նախաքննության արդյունքների, ինչպես նաեւ իր գործողությունների մասին կհայտնի միայն գործի նյութերին ծանոթանալուց հետո: «Ես դեռ ոչնչից տեղյակ չեմ, նոր եմ վերադարձել, ոչինչ չեմ կարող ասել, կծանոթանամ, կասեմ»,-ասաց Փայլակ Հայրապետյանը:

Հիշեցնենք, որ դեռ 2009թ. էկոնոմիկայի նախարարության շենքում նախարար Ներսես Երիցյանի մոտ ՀՀ այդ ժամանակ վարչապետ Տիգրան Սարգսյանի գլխավորությամբ հանդիպում-խորհրդակցություն էր կազմակերպվել 23 արդյունաբերական կազմակերպությունների ղեկավարների հետ, որի ժամանակ քննարկվել էր Ռուսաստանի՝ Հայաստանին տրամադրված 500 միլիոն դոլարի վարկը, որից 100 միլիոնը Ռուսաստանը պետք է տար ապրանքային տեսքով՝ ադամանդի հումքով։ Իսկ այդ 100 միլիոնի վարկը պետք է բաժանվեր այդ 23 կազմակերպությունների միջեւ, որպեսզի դրանք սկսեին աշխատել։ Գործարար Փայլակ Հայրապետյանն առաջարկել էր գրավադրել իր 33 մլն դոլար արժողությամբ իր ամբողջ անշարժ գույքը եւ «Ամերիաբանկը»-ից ստացված մոտ 10 միլիոն դոլարը տվել Աշոտ Սուքիասյանին, որն էլ վերցնելով գումարը՝ հեռացել էր երկրից: 2014թ. փետրվարին Աշոտ Սուքիասյանին հայտնաբերել էին Վրաստանում: Հունիսի 19-ին՝ Վրաստանից Հայաստան արտահանձնվելուց անմիջապես հետո, Աշոտ Սուքիասյանը կալանավորվել էր: http://news.am/arm/news/267494.html