News
Լրահոս
News
Երեքշաբթի
Մարտ 19
Տեսնել լրահոսը


Նոյեմբերի 5-ի գործով դատավարության առաջին նիստի օրը դատարանի բակում ոստիկանների ուղղությամբ կրակելու եւ մի քանի ոստիկանի վիրավորելու մեջ մեղադրվող Հայկ Կյուրեղյանը չի ընդունում իրեն առաջադրված մեղադրանքը: Այս մասին այսօր՝ մայիսի 25-ին, Երեւանի Կենտրոն եւ Նորք Մարաշ վարչական շրջաննների իրավասության դատարանում հայտարարեց Հայկ Կյուրեղյանը, որը դատարանին չհարգելու պատճառով 10 ժամով դատական նիստերից հեռացվելուց հետո, առաջին անգամ բերվեց դատարան:

Նշենք, որ Հայկ Կյուրեղյանին ցուցմունք տալու նպատակով էին բերել դատարան, որից հետո նրան նորից հեռացրին դատական նիստերից:

«Ինձ հասկանալի չէ մեղադրանքում նշած այն կետը, որ ես մեքենայի վրա բարձրանալով փորձել եմ առանձնանալ հասարակությունից եւ իմ գերակայությունը ցույց տալ: Ու՞մ հանդեպ եմ ուզել ցույց տալ, եւ արդյոք մեր Սահմանադրությամ մեջ կա կետ, որ գերակայության համար մեղադրանք է առաջադրվում»,-ասաց Հայկ Կյուրեղյանը դիմելով՝ մեղադրող Հարություն Սարգսյանին, որը վստահեցրեց, որ Կյուրեղյանի առաջադրված մեղադրանքն օրենքի սահմաններում է:

Հայկ Կյուրեղյանը եւս մեկ անգամ նշեց, որ իր գործողություններն ուղղված էին ոչ թե հասարկության, այլ ոստիկանության դեմ:

Հայկ Կյուրեղյանի կրակոցներից տուժած ոստիկանները հարց ուղղեցին նրան, թե արդյոք իր արարքը նախօրոք պլանավորված է եղել, թե այդ պահին է որոշել, ինչին Հայկ Կյուրեղյանը պատասխանեց, որ դա նախօրոք պլանավարված էր եւ դրանով նա իր բողոքն էր արտահայտում Շանթ Հարությունյանի եւ ընկերների դատավարության դեմ:

«Ես այդ օրն արդարության  համար դուրս եկածների համար եմ նման բան արել, եւ եթե ոստիկանները փորձեն խանգարել արդարության համար պայքարողներին, ես նորից  պատրաստ եմ նրանց ճակատից կրակել եւ նույնիսկ ատոմային ռումբ պայթեցնել»,-ասաց նա:

Հայկ Կյուրեղյանը ինչպես միշտ այսօր էլ ոտքի չկանգնեց դատարանում եւ հայտարարեց, որ հրաժարվում է իրեն տրամադրված հանրային պաշտպանից։

Դատավորը նիստերի դահլիճից հեռացրեց նրա համակիրներին նիստը խանգարելու պատճառաբանութամբ, միայն լրագրողներին թույլատրեց ներկա գտնվել, սակայն ավելի ուշ նույն պատճառով հեռացրեց նաեւ Հելսինկյան ասոցիացիայի դիտորդ Նելլի Հարությունյանին։

Հիշեցնենք, որ 2014թ. հունիսի 12-ին մեկնարկած Շանթ Հարությունյանի գործով դատական նիստից րոպեներ առաջ արտակարգ դեպք էր տեղի ունեցել դատարանի բակում։ 31-ամյա Հայկ Կյուրեղյանը կանգնել էր մեքենայի վրա՝ օդամղիչ ատրճանակը ձեռքին, եւ կրակել ոստիկանների վրա՝ վիրավորելով մի քանի ոստիկանի։ Ոստիկանները նրան վնասազերծել եւ բերման էին ենթարկել։ Կյուրեղյանի նկատմամբ մեղադրանք է առաջադրվել  ՀՀ քրեական օրենսգրքի 258 հոդվածի 4-րդ մասի՝ «խուլիգանություն զենքի կամ որպես զենք օգտագործվող առարկայի գործադրմամբ», և 316-րդ հոդվածի 4-րդ մասի ՝ «իշխանության ներկայացուցչի նկատմամբ բռնություն գործադրելը» հատկանիշներով:

Տպել
Կարդացեք նաև
Ամբողջը
Հրաձգություն Վաշինգտոնում. երկու մարդ զոհվել է, հինգը՝ վիրավորվել
Հայտնի չէ, թե ով է կրակ բացել կամ ինչն է հանգեցրել հրաձգությանը․․․
Կալիֆոռնիայում մի կնոջ են ձերբակալել, որի ճամպրուկում հայտնաբերել են նրա 5-ամյա որդու մասունքները
2022 թվականի հոկտեմբերին Վաշինգտոնի շրջանի դատավորը Անդերսոնին ձերբակալելու օրդեր է տվել
Կրասնոդարի երկրամասի դատարանը պայմանական վաղաժամկետ ազատել է «օրենքով գող» Շաքրո Մոլոդոյին
Ավելի վաղ VChK-OGPU Telegram ալիքը, հղում անելով իր աղբյուրին, հայտարարել էր, որ մարտի 16-ին պետք է...
Սպանություն Արագածոտնի մարզի «Արծվի թեւեր» հանգստյան գոտու հարեւանությամբ. SHAMSHYAN.com
Ոստիկանները պարզել են նաև, որ նա հիվանդանոց է տեղափոխվել քաղաքացիական ավտոմեքենայով․․․
Չեխիան ԱՄՆ-ին է արտահանձնում վրացի քրեական հեղինակություն Փոլադ Օմարովին
Բացի այդ, ԱՄՆ-ում Օմարովին կասկածում են այնտեղ բնակվող իրանցի լրագրող…
Հրաձգություն Դենվերում. երկու մարդ զոհվել է, կան վիրավորներ
Զոհերի անուններն ու մահվան պատճառները կհրապարակվեն ավելի ուշ․․․
Ամենաշատ