Ինդնոնեզիայում ՀՀ դեսպանությունում օրերս տեղի է ունեցել աշխատանքային ճաշ Ինդոնեզիայի ԱԳՆ ուսումնական կենտրոնում ավագ դիվանագիտական անձնակազմի, որում ընդգրկված է առնվազն խորհրդականի պաշտոն զբաղեցնող 14 դիվանագետ, վերապատրաստման դասընթացի մասնակիցների հետ:
ԱԳՆ մամուլի ծառայությունից հայտնում են, որ դեսպան Աղաջանյանը ներկայացրեց Հայաստանը, ներքին զարգացումներն ու արտաքին քաղաքականության գերակայությունները: Մանրամասն խոսվեց հայ-ինդոնեզական հարաբերությունների, դրանց զարգացման հեռանկարների մասին: Ելույթի զգալի մասը նվիրված էր ԼՂ հիմնահարցին, Հայոց ցեղասպանության 100-րդ տարելիցի միջոցառումներին, ինչպես նաեւ տարածաշրջանային զարգացումներին եւ հայ-թուրքական հարաբերություններին:
Այնուհետեւ դեսպանը պատասխանեց հյուրերի հարցերին: