News
Լրահոս
News
Երեքշաբթի
Մարտ 19
Տեսնել լրահոսը

10 օրից ավելի է, որ ԱԺ-ում նոր «Ջիպ» մեքենաներ են հայտնվել, ԱԺ նախագահին ուղեկցող մեքենաներն են փոխվել, նաեւ խմբակցությունների ղեկավարներին են նոր մեքենաներ տրվել. Որքա՞ն գումար է ծախսվել դրա վրա եւ ինչ ծայրահեղ անհրաժեշտությունից ելնելով է դա արվել: Այս հարցադրմամբ այսօր՝ մայիսի 26-ին, ԱԺ-ում 2014-ի բյուջեի կատարողականի քննարկման ժամանակ հարց է բարձրացրել ԱԺ անկախ պատգամավոր Էդմոն Մարուքյանը:

Ի պատասխան ԱԺ աշխատակազմի ղեկավար Հրայր Թովմասյանը նշել է, որ 2014-ին ձեռք է բերվել միայն մեկ ավտոմեքենա, որը սպասարկելու է ԱԺ նախագահին: «Ձեր տեսած մեքենաներին կանդրադառնանք եկող տարի ներկայացվող հաշվետվության մեջ, քանի որ ձեռք են բերվել այս տարի»,- նշել է Թովմասյանը:

Էդմոն Մարուքյանն էլ արձագանքել է. «Խոսքը 2014-ին ձեռքբերված մեկ մեքենայի մասին չէ, այլ հենց հիմա ԱԺ նախագահին ուղեկցող երկու մեքենաների մասին է, որոնք փոխվել են եւ երկու «Նիսան» ջիպ մեքենաներ են: Ավելին, խմբակցությունների կամ այլ մարմինների համար եւս նոր մեքենաներ են ձեռք բերվել: Կարծում եմ, նման ծայրահեղ ծանր տնտեսական վիճակում գտնվող երկրի պաշտոնատար անձինք պետք է հնարավորինս քիչ ծախսեն նման մեծ գումարներ: Չեմ կարծում, որ սա որեւէ կերպ կարող է արդարացված համարվել: Այսինքն երբ ինչ-որ ծրագրի մասին ենք խոսում, ասում են փող չկա, բայց փող կա անընդհատ նոր ներկայացուցչական դասի մեքենաներ ձեռք բերելու համար: Ինչքա՞ն գումար է ծախսվել այս տարի»:

Հրայր Թովմասյանի խոսքով, քանի որ քննարկվում է 2014-ի բյուջեի կատարողականը, ինքը ձեռքի տակ չունի 2015-ի տվյալները: «Դուք եք հաստատել բյուջեն եւ ԱԺ-ն չէր կարող բյուջեում չնախատեսված ծախսեր կատարել: Հստակ սահմանված է, թե օրենքով որ աշխատակիցներին է հասնում այդ ծառայողական մեքենաները: Այդ մեքենաներն ունեն շահագործման ժամանակահատված, որից հետո զուտ տնտեսապես նրանց վրա կատարվող ծախսերը կարող են մի քանի անգամ ավել լինել, քան նոր մեքենաների ձեռքբերումը: Այս տրամաբանությամբ են, որ նոր մեքենաները ձեռք են բերվել: Կարող ենք գնալ այլ ճանապարհով եւ ասել, որ այս անձինք չունեն այդ մեքենաները: Այո, խմբակցությունների ղեկավարներն ստացել են նոր մեքենաներ»,-ընդգծել է Թովմասյանը՝ խոստանալով, որ առանձին կներկայացնի պատգամավորին այդ ծախսերը:

Տպել
Կարդացեք նաև
Ամբողջը
«Ժողովուրդ». Աննախադեպ երեւույթ «բարեգործությունների» պատմության ընթացքում. Ինչ է արել «իմ քայլը» հիմնադրամը
«Իմ քայլը» բարեգործական հիմնադրամի դեպքում 277,5 միլիոն դրամ շնորհներից ստացված եկամտի կեսից ավելին...
«Հրապարակ». Ի՞նչ գնումներ է կատարել Քրիստիննե Գրիգորյանը
Արտաքին հետախուզական ծառայության մասին սա, թերեւս, միակ տեղեկությունն է, որ հայտնի է։ Որեւէ մեկին...
«Ժողովուրդ». Գյուղատնտեսությունը անկում է ապրել. Նիկոլ Փաշինյանը խաբել է. մաս 183
Ժողովուրդ օրաթերթը համադրելով պաշտոնական տեղեկությունները, պարզեց, որ իրականում Հայաստանում...
«Հրապարակ». Փաշինյանին չի հաջողվում ՔՊ-ն դարձնել եվրոպական ազդեցիկ կուսակցություններից որեւէ մեկի անդամ
Դեռ շաբաթներ առաջ ՔՊ-ական մեր աղբյուրներն ասում էին, որ կարծես որոշում ունեն եւ անդամակցության հայտ են...
«Հրապարակ». Լեւոն Քոչարյանը կուսակցություն կբացի՞
Չկան կուսակցություն բացելու մտադրություններ, իսկ հիմա զբաղված եմ, շտապում եմ քննարկման...
«Ժողովուրդ». Դատական համակարգում ՍԴ դատավորի նոր հավանական թեկնածուի անուն է շրջանառվում
Քաղաքական իշխանությունը իր «սրտի» թեկնածուին է փորձում առաջ տանել, իսկ դատական համակարգը չի...
Ամենաշատ