Հայաստանի բանկերը կապիտալի համարժեքության առումով  պահպանում են «անվտանգության բարձիկը»։ Այս մասին մայիսի 26-ին լրագրողներին հայտարարեց Հայաստանի Կենտրոնական բանկի կայունության եւ զարգացման վարչության պետ Անդրանիկ Գրիգորյանը։

Նրա խոսքով՝ Հայաստանի ԿԲ նորմերի համաձայն՝ կապիտալի համարժեքության գործակիցը (CAR) չպիտի 12 տոկոսից ցած իջնի։ «Նշենք, որ դա նկատելի է Բազելի հանձնաժողովի նախատեսած 8 տոկոսանոց մինիմումի դեպքում։ Իսկ Հայաստանի բանկերում դա տատանվում է 14-15 տոկոսի սահմաններում։ Այլ խոսքով ասած՝ անհանգստանալու  կարիք բացարձակ չկա»,- նշեց Գրիգորյանը։

Նրա խոսքով՝ վերջին մի քանի տարիների ընթացքում այդ ցուցանիշը մի փոքր նվազել է տեխնիկական պատճառներով՝ հաշվարկի մեթոդիկայում վարկային պորտֆելի մասնակցության պատճառով։ 2008թ.-ից հանրապետության բանկային համակարգում համընդհանուր վարկային պորտֆելը աճում է միջինում 20 տոկոսով, իսկ CAR-ը դրանից ավտոմատ կերպով նվազում է։ Սակայն թե անվանապես թե իրապես այն լրիվ ընդունելի  մակարդակի վրա է գտնվում եւ բավարար է սեփական կապիտալի հաշվին ռիսկերի կլանման համար։