Գագիկ Ծառուկյանը քաղաքականությամբ չի զբաղվում։ Այս մասին այսօր՝ մայիսի 26-ին, Ազգային ժողովում բյուջեի կատարողականի քննարկումից առաջ լրագրողներին ասաց Կոտայքի մարզպետ, Ծառուկյանի փեսա Կարապետ Գուլոյանը։
Լրագրողների դիտարկմանը, թե Ծառուկյանը պատգամավոր է, Գուլոյանը հակադարձեց. «Պարոն Ծառուկյանի սահմանադրական իրավունքն է զբաղվել նրանով, ինչով ուզում է»։
Հարցին, թե ճիշտ են տեղեկությունները, թե Կոտայքը Ծառուկյանի մարզն է, մարզպետը չհամաձայնվեց եւ հորդորեց նման հայտարարություններ չանել։
Նշենք, որ մարտի 5-ին ԲՀԿ առաջնորդ Գագիկ Ծառուկյանը հայտարարեց քաղաքականությունից հեռանալու մասին։
