News
Լրահոս
News
Երեքշաբթի
Մարտ 19
Տեսնել լրահոսը

Ֆինանսական բուրգի գործով ամբաստանյալ Արթուր Անդրեասյանին առաջադրված մեղադրանքը պետք է մեղմացվի, քանի որ ըստ դատաքննությամբ ձեռք բերված եւ հետազոտված ապացույցների՝ վերջինը ոչ թե խարդախությամբ է տուժող Արտակ Գալստյանից առանձնապես խոշոր չափերի գումար հափշտակել, այլ խաբեությամբ եւ վստահությունը չարաշահելու եղանակով։ Այս մասին այսօր՝ մայիսի 26-ին, Կենտրոն եւ Նորք-Մարաշ վարչական շրջանների ընդհանուր իրավասության դատարանում հայտարարեց մեղադրող Արթուր Երիցյանը՝ փոփոխելով ամբաստանյալին առաջադրված մեղադրանքը։

«Անհրաժեշտ է փոխել մեղադրանքը, քանի որ ընդհանուր հասցված վնասը փոխարժեքով հաշվելիս, պարզեցի, որ Արթուր Անդրեասյանը ոչ թե խարդախությամբ է Արտակ Գալստյանից գումար հափշտակել, այլ խաբեությամբ եւ նրա վստահությունը չարաշահելով։ Բացի այդ խաբեությամբ մեծ չափերի գումարային վնաս են հասցնում ուրիշի գույքին, մինչդեռ ամբաստանյալը չի վճարել իր անունով ձեւակերպված անշարժ գույքի դիմաց վարկը»,- ասաց մեղադրողը։

Ըստ Արթուր Երիցյանի՝ Արտակ Գալստյանին հասցված վնասի մասով առանձնացված դրվագով պարզվել է, որ Արթուր Անդրեասյանը նրան հասցրել է 1,5 մլն. դրամով պակաս վնաս, ընդհանուր՝  14մլն 367 հազար 500 ՀՀ դրամին համարժեք 35 հազար ԱՄՆ դոլարին համարժեք գումար։

Գործով տուժող Գեւորգ Թադեւոսյանը իր առարկությունները հայտնեց Ասյա Գեւորգյանի կողմից Արթուր Անդրեասյանին պատկանող Փափազյան 11 շենքի 60 բնակարանը արգելանքից հանելու մասին ներկայացված միջնորդության վերաբերյալ: Տուժողի խոսքով՝ Արթուր Անդրեասյանը կալանքի տակ գտնվող գույքն օտարում է, քանի որ չի ցանկանում այն վաճառել եւ իրենց գումարները տալ՝ պահանջելով մերժել դատավարության մասնակից չհանդիսացող Ասյա Գեւորգյանի կողմից ներկայացված միջնորդությունը մերժել։

Ամբաստանյալի պաշտպան Մնացական Սարգսյանը առաջադրված նոր մեղադրանքին ծանոթանալու նպատակով դատարանից ժամանակ խնդրեց։ Հաջորդ դատական նիստը կկայանա հունիսի 19-ին։

Նշենք, որ նախորդ դատական նիստին մեղադրող Արթուր Երիցյանը պահանջեց 14 տարվա ազատազրկման ենթարկել Արթուր Անդրեսյանին՝անձնական գույքի բռնագրավմամբ` բայց ոչ ավելի, քան յոթ տուժողներին պատճառված վնասը՝ 422 միլիոն 252 հազար 210 դրամ։

Հիշեցնենք, որ Արթուր Անդրեասյանին մեղադրանք է առաջադրվել նրա համար, որ նա բուքմեյքերական գործունեությամբ եւ արտարժույթի առուվաճառքով զբաղվելիս հայտնվելով անվճարունակ վիճակում, 2010թ. հունիսին որոշել է ՀՀ ոստիկանությունում ղեկավար պաշտոններ զբաղեցնող գնդապետ Կարեն Բաբակեխյանի, գեներալ-մայոր Ներսես Նազարյանի, վերջինիս որդու՝ Երեւան քաղաքում գործող «Մոսկվիչկա» խանութների ցանցի սեփականատեր Արմեն Նազարյանի, ինչպես նաեւ նրանց ընտանիքների անդամների հետ ունեցած մտերմության ու դրանով պայմանավորված իր անձի նկատմամբ շրջապատում ձեւավորված վստահության շահարկմամբ խաբեության եւ վստահությունը չարաշահելու եղանակով ձեռնարկատիրական գործունեության մեջ ներդնելու եւ դրա դիմաց շահույթներ ստանալու պատրվակով հափշտակել տարբեր քաղաքացիների առանձնապես խոշոր չափերով գումարները եւ ձեռք բերել իրավունք նրանց անշարժ գույքի նկատմամբ:

Տպել
Կարդացեք նաև
Ամբողջը
Հրաձգություն Վաշինգտոնում. երկու մարդ զոհվել է, հինգը՝ վիրավորվել
Հայտնի չէ, թե ով է կրակ բացել կամ ինչն է հանգեցրել հրաձգությանը․․․
Կալիֆոռնիայում մի կնոջ են ձերբակալել, որի ճամպրուկում հայտնաբերել են նրա 5-ամյա որդու մասունքները
2022 թվականի հոկտեմբերին Վաշինգտոնի շրջանի դատավորը Անդերսոնին ձերբակալելու օրդեր է տվել
Կրասնոդարի երկրամասի դատարանը պայմանական վաղաժամկետ ազատել է «օրենքով գող» Շաքրո Մոլոդոյին
Ավելի վաղ VChK-OGPU Telegram ալիքը, հղում անելով իր աղբյուրին, հայտարարել էր, որ մարտի 16-ին պետք է...
Սպանություն Արագածոտնի մարզի «Արծվի թեւեր» հանգստյան գոտու հարեւանությամբ. SHAMSHYAN.com
Ոստիկանները պարզել են նաև, որ նա հիվանդանոց է տեղափոխվել քաղաքացիական ավտոմեքենայով․․․
Չեխիան ԱՄՆ-ին է արտահանձնում վրացի քրեական հեղինակություն Փոլադ Օմարովին
Բացի այդ, ԱՄՆ-ում Օմարովին կասկածում են այնտեղ բնակվող իրանցի լրագրող…
Հրաձգություն Դենվերում. երկու մարդ զոհվել է, կան վիրավորներ
Զոհերի անուններն ու մահվան պատճառները կհրապարակվեն ավելի ուշ․․․
Ամենաշատ