Ադրբեջանի արտգործնախարար Էլմար Մամեդյարովը չի բացառում, որ հանրապետությունը կարող է միանալ ԵՏՄ-ին, սակայն ոչ շուտ, քան կլուծվի ղարաբաղյան հակամարտությունը։
«Հայաստանի կողմից օկուպացված տարածքները թույլ չեն տալիս Հայաստանի հետ նույն միության անդամ լինել։ Եթե Հայաստանը դուրս բերի իր զորքերը, եթե բացվեն սահմանները, եթե կարգավորվի իրավիճակը, եթե Հայաստանի եւ Ադրբեջանի միջեւ տնտեսական բաղադրիչ լինի, ով գիտի, թե ինչ կարող է կատարվել վաղը։ Ինչպես ասվում է, never say never, այսինքն՝ երբեք մի՛ ասա երբեք»,- հայտարարել է Մամեդյարովը «Ռոսիա 24»-ին տված հարցազրույցի ժամանակ։
Նախարարը ընդգծել է, որ Բաքուն իր արտաքին քաղաքականությունը վարում է՝ ելնելով ազգային շահերից։