ԵՏՄ-ին անդամակցելուց  հետո Հայաստանի Կառավարության աշխատակազմը պետք է աճի։ Այս մասին մայիսի 26-ին՝ խորհրդարանում 2014թ. պետբյուջեի կատարման լսումների շրջանակներում, հայտարարեց աշխատակազմի ղեկավար, նախարար  Դավիթ Հարությունյանը։

«Եվրասիական ինտեգրացումը նախատեսում է փաստաթղթերի մեծ քանակի ընդունում։ Դրանց հետ ծանոթանալու եւ վերլուծելու համար մեծ աշխատանք է անհրաժեշտ։ Դա չի կարող չնշանակել նոր աշխատատեղերի բացում»,- հայտարարեց Հարությունյանը։

Նշենք, որ 2014թ. Կառավարության աշխատակազմի ծախսերը կազմել են 1 մլրդ 624 մլն դրամ, դրա կատարումը իրականացվել է 97.8 տոկոսով։