Մարմարայի համալսարանը հայ-թուրքական հարաբերությունների մասին պատմող թուրքերենով եւ անգլերենով կայք է գործարկել։

Ինչպես երեւում է կայքի հրապարակումներից, կայքի հիմնական նպատակներից է հայ-թուրքական հարաբերությունների մասին ներկայացնելու համատեքստում զբաղվել Հայոց ցեղասպանության հերքման քաղաքականությամբ:

Մարմարայի համալսարանի ռեկտոր Էմին Արաթը հայտարարել է, թե իրենց նպատակն է հայ-թուրքական հարաբերությունների մասին պատմել թուրքերենով, անգլերենով եւ առաջիկայում նաեւ ֆրանսերենով։

Նա պնդել է, թե իբր հայերը «մի քիչ տուժել են» 1915-ի մայիսի 27-ին տեղափոխության օրենքից եւ իրենք տխրությամբ են հիշում հայերի ցավերը։