ՀՀ ԱԺ «Ժառանգություն» խմբակցության պատգամավոր Զարուհի Փոստանջյանը, այսօր՝ մայիսի 27-ին, Ազգային ժողովում հանդիպեց Հայաստանի Հանրապետությունում ԱՄՆ արտակարգ եւ լիազոր դեսպան Ռիչարդ Միլսի հետ: Հանդիպման ընթացքում քննարկվել են ներքին եւ արտաքին քաղաքականությանը, ինպես նաեւ տարածաշրջանին վերաբերող հարցեր: Դեսպան Միլսը նշել է, որ Հայաստանում իրավունքի գերակայությունը ապահովելու, այդ թվում քրեական արդարադատության համակարգում թափանցիկություն պահանջելու վերաբերյալ բաց ու չգրաքննված քննարկումները կարեւորագույն տարրեր են ցանկացած ժողովրդավարական պետության համար:
