Մոլդովայի հեռուստատեսության եւ ռադիոյի համակարգող խորհուրդը անորոշ ժամկետով դադարեցրել է ռուսական պետական «Ռոսիա 24» հեռուստաալիքի հեռարձակումը, գրում է «Կոմերսանտ»-ը։
Համակարգող խորհուրդը գտնում է, որ հեռուստաալիքի հաղորդումները տեղական ռադիոյի եւ հեռուստատեսության օրենսգրքի նորմերի խախտումներ են պարունակում։ Վերահսկիչ մարմնի դժգոհությունը առաջ է բերել մարտի 9-ին հեռարձակված «Երկու կրակի արանքում» հաղորդումը, որը նվիրված է եղել Մերձդնեստրին։ Հաղորդման սյուժեում այդ տարածաշրջանը ներկայացվել է որպես ոչ բարեկամական Մոլդովայի եւ Ուկրաինայի կողմից շրջապատված տարածք։
«Այդ հաղորդումը սեւացնում է Մոլդովայի Հանրապետությունը»,- ասված է Հեռուստատեսության եւ ռադիոյի համակարգող խորհրդի որոշման մեջ։