Հայաստանի պետական ճարտարագիտական համալսարանում ռեկտորի թափուր պաշտոնի համար հայտարարված մրցույթին դիմած Հովհաննես Թոքմաջյանը փակագծերը բացելու է հունիսի 6-ին: Այս մասին NEWS.am-ի թղթակցի հետ զրույցում ասաց Հովհաննես Թոքմաջյանը:
Նա նշեց, որ որոշել է մինչ այդ ոչինչ չասել, իսկ հունիսի 6-ին ասուլիս կհրավիրի, կբացի բոլոր փակագծերը: «Այդ օրը կգա, կիմանաք, կտեսնեք՝ ինչ կասեմ: Ինչ հարց կուզենաք, կտաք, փակ թեմաներ չկան, ինչ հարց կուզեք, կտաք, իհարկե ամեն ինչ կոռեկտության սահմաններում»-ասաց ռեկտորի պաշտոնակատարը:
Հարցին, թե առաջադրված 2 թեկնածուներից ում կողմից է ԿԳ նախարար Արմեն Աշոտյանը, Հովհաննես Թոքմաջյանն ասաց, որ այդ հարցով դիմեք նախարարին:
Նշենք, որ Հայաստանի Ճարտարագիտական համալսարանի ռեկտորի ընտրություններին մասնակցելու համար դիմել է նախկին ռեկտոր Ոստանիկ Մարուխյանը, ներկա ռեկտորի պաշտոնակատար Հովհաննես Թոքմաջյանը: Փաստաթղթերը ներկայացնելու վերջնաժամկետը հունիսի 8-ին է, մրցույթը կկայանա հունիսի 20-ին: