Microsoft ընկերությունն իր նոր՝ Windows 10 օպերացիոն համակարգը կթողարկի 2015 թվականի հուլիսին: Այդ մասին Twitter-ում գրել է օգտատերերից մեկը, որը հայտնի է ընկերության համակարգերի մասին տեղեկատվության հրապարակմամբ:
Լուրը հաստատում է ամռան կեսերին համակարգի թողարկման մասին՝ ավելի վաղ հրապարակված տվյալները: Ապրիլին այդ մասին հայտարարել էր չիպեր արտադրող AMD ընկերության ղեկավար Լիզա Սուն:
Ըստ Gazeta-ի, Windows 10-ը հասանելի կլինի յոթ տարբեր մոդիֆիկացիայով: Նոր համակարգից կարող են օգտվել Windows 7-ով եւ Windows 8/8.1-ով համակարգիչ ունեցողները:
