«Քաղաքացիական պայմանագիր» կուսակցության ֆինանսական միջոցները կուտակվելու են նվիրատվություններից։ Այս մասին այսօր՝ մայիսի 30-ին, կուսակցության հիմնադիր համագումարից ընթացքում լրագրողների հետ զրույցում ասաց կուսակցության կառավարման խորհրդի անդամ, ԱԺ ՀԱԿ խմբակցության պատգամավոր Նիկոլ Փաշինյանը։
«Միավորման կառավարման խորհրդի անդամները ժամանակին հանդես են եկել համատեղ հոդվածով, որը վերաբերվում է քաղաքական գործունեության ֆինանսավորմանը, ստեղծել են «Վերադարձի հիմնադրամ»-ը, որի միջոցները գոյանում են նվիրատվություններից»,- ասաց Փաշինյանը։
Ընդդիմադիր պատգամավորի խոսքով՝ եթե անհրաժեշտ է հազար դրամ, ապա նախընտրելի է, որ հազար մարդ տա մեկ դրամ, քան մեկը տա ամբողջ գումարը։
Նշենք, որ համագումարի սկզբին Նիկոլ Փաշինյանը հայտարարեց, որ «Քաղաքացիական պայմանագիր» միավորումը հիմնադրում է կուսակցություն, որը մտադիր է մասնակցել առաջիկա խորհրդարանական եւ նախագահական ընտրություններին։
