«Քաղաքացիական պայմանագիր» կուսակցությունը քաղաքական այլ ուժերի հետ համագործակցության կարող է խոսել, եթե լինի կոնկրետ օրակարգ եւ կոնկրետ առաջարկ: Այս մասին այսօր՝ մայիսի 30-ին, նորաստեղծ կուսացության համագումարին լրագրողներին ասաց կուսակցության կառավարման խորհրդի անդամ, ԱԺ ՀԱԿ խմբակցության պատգամավորՆիկոլ Փաշինյանը:
«Եթե լինի համագործակցության կոնկրետ օրակարգ մենք կուսակցության անդամներով կքննարկենք եւ որոշում կկայացնենք, իսկ մինչեւ այդ ոչինչ ասել չենք կարող»,-ասաց նա:
Լրագրողների դիտարկմանը, թե «Հիմնադիր խորհրդարանի» անդամ Ժիրայր Սեֆիլյանը համագործակցության առաջարկ է արել, Փաշինյանը նշեց, որ իրենք չունեն համագործակցության մասին հայտարարությունը եւ ոչինչ ասել չեն կարող, նույնը վերաբերում է ՀԱԿ-ի հետ համագործակցությանը: