Հայաստանի ՏԿԱԻՆ-ում, այսօր՝ մայիսի 30-ին, ժամը 17.38-ին ահազանգ է ստացվել, որ Երեւանի Արշակունյաց պողոտայի թիվ 30 շենքի մոտակա վերգետնյա անցումի մոտ քաղաքացին նստել է գովազդային վահանակի վրա եւ փորձում է վնասել իրեն` կտրելով երակները. անհրաժեշտ փրկարարների օգնությունը:
Դեպքի վայր է մեկնել մեկ մարտական հաշվարկ, ՀՆՓԱԻԿ փրկարարական ջոկատը եւ ՃԿԱԿ օպերատիվ խումբը:
Փրկարարները եւ հրշեջ-փրկարարները վերգետնյա անցումի գովազդային վահանակի (մոնիտոր) վրայից իջեցրել են 51-ամյա Կ. Մ.-ին, ով վնասել էր երակները, ցուցաբերել համապատասխան օգնություն:
«911» ծառայության հոգեբան - խորհրդատուն դեպքի վայրում քաղաքացի Կ.Մ.-ին ցուցաբերել է համապատասխան հոգեբանական օգնություն:
Վերջինս տեղափոխվել է ոստիկանության Շենգավիթի բաժին: