Դիլիջանում այսօր` օգոստոսի 4-ի երեկոյան բռնկված հրդեհի ծուխը լուրջ անհանգստություն է պատճառել բնակիչներին։ Այրվում է 1 հա տարածությամբ խոտածածկ դաշտ։ Արտակարգ իրավիճակների նախարարության ճգնաժամային կառավարման կենտրոնից NEWS.am-ի թղթակցին փոխանցեցին, որ վտանգ կա, թե կրակը կտարածվի նաեւ դեպի դաշտի հարեւանությամբ գտնվող եղեւնիների անտառը։
Դեպքի վայր են մեկնել երկու հրշեջ մեքենաներ, հրդեհի մարման աշխատանքներին աջակցում են նաեւ հարեւանությամբ գտնվող տանկային զորամասի զինվորները։
Հրդեհի բռնկման ահազանգը ստացվել է 19:27-ին։ Տուժածներ չկան։