Հայաստանը առաջընթացի է հասել սահմանամերձ պաշտպանության կատարելագործման մեջ, ինչը թույլ է տվել թրաֆիքինգի եւ թմրավաճառության դեմ պայքարն ավելի արդյունավետ դարձնել: Այդ մասին ասված է ԱՄՆ պետքարտուղարության՝ ահաբեկչության մասին ամենամյա զեկույցում: Զեկույցում նշվում է նաեւ, որ Հայաստանի եւ ԱՄՆ համագործակցությունը ահաբեկչության դեմ պայքարում ներառում է Հայաստանի կողմից ամերիկյան ռազմական ինքնաթիռների վերելքի եւ վայրէջքի թույլատրում, մասնակցություն Իրաքում խաղաղարար գործողությանը եւ օգնության երկկողմ ծրագրարին, ինչը թույլ է տվել կառավարությանը վերահսկել ապօրինի ֆինանսական հոսքերը եւ պայքարել թրաֆիքինգի եւ վտանգավոր նյութերի վաճառքի դեմ:
Սակայն, ինչպես նշվում է զեկույցում, Հայաստանը խորը կոռումպացված երկիր է, եւ այդ հանգամանքը խանգարում է լիարժեք իրագործել եւ ապահովել օրենքները, որոնք կարող են ապահովել նրա դիրքերը ահաբեկչության դեմ պայքարում:
Հայաստանը նաեւ արդիականացրել է վերահսկողության համակարգը սահմանամերձ հենակետերում եւ օդանավակայանում, նաեւ սենսորային ցուցիչներ է օգտագործում Հայաստանի եւ Վրաստանի սահմանի լեռնային տարածքում:
