«Ղարաբաղ» կոմիտեի անդամ Սամսոն Ղազարյանը թերթի հետ զրույցում նշել է. «Աշնանային հանրահավաքները սկսելուց առաջ պետք է համալրել ընդդիմության շարքերը: Իրավիճակն իրոք, թեկուզ Լեւոն Տեր-Պետրոսյանի վերջին ելույթի տրամաբանությամբ, օրհասական է, ուստի համախմբման հարցը դառնում է հրամայական՝ համակարգային փոփոխություններ կատարելու առումով: Ես կարծում եմ, որ այս անգամ հարթակում պիտի լինի նաեւ այն մարդկանց խումբը, որոնք 88-ից են պատասխանատու: Որովհետեւ իրոք, պատասխանատվության բեռը, այլ անձանց վրա բաշխելու անհրաժեշտություն կա: Իսկ ես տեսնում եմ այդ թիմը, կան այդ մարդիկ ու կգան-կկանգնեն հարթակում, ու ժողովուրդը կտեսնի առավել վճռական թիմ»: