Քիչ առաջ Նուբարաշեն վարչական շրջանում գտնվող գազաբաշխիչ կայանում գազի ուժեղ արտահոսք է եղել:
Դեպքի վայր են ժամանել հրշեջ եւ փրկարարական ծառայությունների աշխատակիցները, ոստիկաններ, Նուբարաշենի թաղապետ Մհեր Հովհաննիսյանը: Ֆոտոլրագրող Գագիկ Շամշյանը դեպքի վայրից NEWS.am-ին հայտնեց, որ այս պահին գազի արտահոսքն արդեն դադարեցվել է, տուժածներ, բարեբախտաբար չկան:
Համապատասխան ծառայությունները աշխատանքներ են տանում գազաբաշխիչ կայանում արտահոսքի պատճառները պարզելու ուղղությամբ:
Լուսանկարը եւ տեսանյութը՝ Գագիկ Շամշյանի