Իտալիայի նախկին վարչապետ, երկրի ամենահարուստ մարդկանցից մեկը՝ Սիլվիո Բեռլուսկոնին պետք է նախկին կնոջը՝ Վերոնիկա լարիոյին վճարի ամսական 1,4 մլն եվրո եւ ոչինչ ավելին: Նման որոշում է կայացրել Մոնցա քաղաքի դատարանը, որտեղ քննվում էր լարիոյի հայցը ընդդեմ Բեռլուսկոնիի:
Ալիմենտների սկզբնական չափը ռեկորդային էր՝ 3 մլն եվրո, սակայն Բեռլուսկոնին կարողացել էր վիճարկել առաջին ատյանի վճիռը եւ գրեթե կրկնակի նվազեցնել այն: Այժմ որոշումը վերջնական է, չնայած Լարիոյի փաստաբանները փորձել են ամեն ինչ անել 3 մլն եվրոն պահելու համար: Բացի այդ, Բեռլուսկոնին չի վճարի միանվագ կես միլիարդ եվրոն: