Եվրոպայի խորհրդի՝ մարդու իրավունքների հարցերով հանձնակատար Նիլս Մույժնիեկսը իր անհանգստությունն է հայտնել հունիսի 23-ին Երեւանում խաղաղ ցույցը ցրելու ժամանակ ուժ կիրառելու կապակցությամբ։
«Տագնապալի են լուրերը, որոնք ես ստանում եմ լրագրողների դեմ բռնության դեպքերի, նրանց ձերբակալությունների եւ սարքավորումների վնասման մասին։ Մամուլը պետք է ազատ եւ ապահով միջավայրում աշխատելու հնարավորություն ունենա»,- հայտարարել է Մույժնիեկսը։
ԵԽ հանձնակատարաը Հայաստանի իշխանություններին կոչ է արել հարգել մարդու իրավունքների հարցում, մասնավորապես հավաքների եւ խոսքի ազատության ոլորտում ստանձնած միջազգային պարտավորությունները եւ հետաքննություն անցկացնել ցույցը ցրելու ժամանակ իրավապահների կողմից գործադրած բռնության դեպքերի կապակցությամբ։