ԵԽԽՎ զեկուցող Ստեֆան Շեննահը, Ասամբլեայում ներկայացնելով իր զեկույցը, հաստատել է ռուսական պատվիրակության դեմ պատժամիջոցների երկարաձգման իր դիրքորոշումը։
ԵԽԽՎ-ն այսօր քննարկում է ԵԽԽՎ-ում ՌԴ լիազորությունների հարցը։
«Ես հստակ դիրքորոշում ունեմ. մինչեւ տարվա վերջ պատժամիջոցների երկարաձգում։ Ռուսաստանը պետք է հետագայում կատարի ՌԴ առանձին քաղաքացիների նկատմամբ ստանձնած պարտավորությունները, որոնք դիմել են եվրոպական դատարան։ Դա պետք է ապահովված լինի»,-նշեց նա, գրում է «ՌԻԱ Նովոստի»-ն։
Հիշեցնենք, որ այս տարվա հունվարին ԵԽԽՎ-ն բանաձեւ էր ընդունել, որով Ուկրաինայի շուրջ տիրող իրավիճակի հարցով ՌԴ-ին մինչեւ ապրիլ զրկել էին ձայնի իրավունքից։
