Չեխիայի արտգործնախարար Լյուբոմիր Զաորալեկը հունիսի 25-ին Հայաստան կատարած պաշտոնական այցի շրջանակներում այցելել է Ցեղասպանության զոհերի հուշահամալիր՝ Ծիծեռնակաբերդ։
Նա եղել է նաեւ Հայոց ցեղասպանության թանգարանում եւ գրառում թողել հուշամատյանում։ Թանգարանի տնօրեն Հայկ Դեմոյանի ուղեկցությամբ Չեխիայի արտգործնախարարի ղեկավարած պատվիրակությունը ծաղիկներ է դրել հավերժական կրակի մոտ, հաղորդում է NEWS.am-ի թղթակիցը։ Զաորալեկը նաեւ ծառ է տնկել հուշահամալիրի ծառուղում։
Հիշեցնենք, որ չեխ արտգործնախարարը Հայաստանում է իր հայ գործընկեր Էդվարդ Նալբանդյանի հրավերով։