Toyota Motor եւ Nissan Motor ճապոնական ավտոընկերությունները ողջ աշխարհում հետ են կանչում ավելի քան 3 մլն ավտոմեքենա անվտանգության բարձիկների անսարքության պատճառով, հայտնում է GMA News-ը։

Toyota-ն հետ է կանչում 24 տարբեր մոդելի 2,86 մլն մեքենա, որոնցից 1.7 մլն-ը Եվրոպայից, 360 հազարը Ճապոնիայից եւ 190 հազարը Չինաստանից, հայտնում է Gazeta-ն։ Մեքենաներն արտադրվել են 2003-2008թթ.։

Nissan-ը հետ է կանչում 198  հազար Navara եւ Teana սեդան մեքենաներ, որոնք արտադրվել են 2007-2008թթ.։

Նշենք, որ անվտանգության բարձիկներն արտադրվել են Takata ընկերության կողմից, որը սկանդալի կենտրոնում է հայտնվել իր արտադրության բարձիկների պատճառով բազմաթիվ մեքենաներ հետ կանչելու հետեւանքով։