Ադրբեջանում թերանահատում են մարդկային գործոնի կարեւորությունը: Նման կարծիք հայտնեց ռազմական փորձագետ Արկադի Գրիգորյանը՝ NEWS.am-ի թղթակցի խնդրանքով մեկնաբանելով գնված, գնվող, ստեղծվող եւ այլ սպառազինությունների մասին Ադրբեջանի տարբեր ներկայացուցիչների պարբերական հայտարարությունները:
«Իսկապես, նման հայտարարություններ կարելի է հաճախ լսել: Սակայն Ադրբեջանում չեն ցանկանում հասկանալ, որ զենքից ավելի կարեւոր է զինվորի ոգին: Իհարկե, նրանք, ովքեր նման հայտարարություններ են անում, վառոդի հոտ չեն առել, դրա համար էլ պատկերացում չունեն: Մենք մշտապես լսում ենք, որ Ադրբեջանն այս է գնել, ծրագրում է այն գնել: Բայց մենք ոչ մի անգամ ոգու եւ հայրենասիրության մասին բարձր գնահատական չենք լսել: Բայց չէ՞ որ Ադրբեջանը զենք նաեւ նախկինում ուներ, իսկ արդյունքը բոլորին է հայտնի: Այդ պատճառով զենքից ավելի կարեւոր է զինվորների մարտական ոգին»,- նշեց փորձագետը: