Հոնդուրասի մայրաքաղաք Տեգուսիգալպայում մոտ 25 հազար ցուցարար աղմկահարույց սկանդալից հետո փողոց են դուրս եկել՝ պահանջելով նախագահ Խուան Օռլանդո Էռնանդեսի հրաժարականը, գրում է Reuters-ը։
Ցուցարարները հավաքվել են նախագահական նստավայրի մոտ եւ հակակառավարական կարգախոսներ են վանկարկում, գրում է «ՌԻԱ Նովոստի»-ն։
Գործակալության տվյալներով՝ Էռնանդեսը ընդդիմադիր քաղաքական կոալիցիային կոչ է արել երկխոսություն վարել։ Կոալիցիան պահանջում է անկախ հետաքննություն անցկացնել կոռուպցիոն սկանդալի հարցով, որը հնարավոր է կապ ունի Էռնանդեսի նախընտրական արշավը։
200 մլն դոլար յուրացնելու կապակցությամբ ծագած սկանդալի մասին հայտնի էր դարձել անցյալ տարի։ Էռնանդեսը խոստովանել էր, որ փող է վերցրել սկանդալի մեջ ներգրավված Հոնդուրասի սոցիալական ապահովության ինստիտուտից 2013թ. իր նախընտրական քարոզարշավը ֆինանսավորելու համար։ Սակայն նախագահը հայտարարել էր, որ իր կուսակցությունը տեղյակ չի եղել, թե որտեղից են գալիս այդ փողերը։