Նախիջեւանի հետ սահմանին հակառակորդի կրակոցից զոհված զինածառայողը՝ 28-ամյա Արման Եփրեմյանը, Սյունիքի մարզի Սիսիանի Անգեղակոթ գյուղից: NEWS.am-ի տեղեկություններով՝ նա զինված ուժերում է 2014թ: Զինծառայողը վնասվածքը ստացել է կրծքավանդակի հատվածում, մահացել է տեղում:
Անգեղակոթի գյուղապետ Արմեն Խաչատրյանը NEWS.am-ի թղթակցին հայտնեցին, որ Արման Եփրեմյանը ամուսնացած էր, ունի 2 որդի, մեկը՝ 2 տարեկան, մյուսը՝ 9 ամսական: «Ծնողների հետ էր ապրում, խեղճ գյուղացի էին, վատ պայմաններում էին ապրում: Մինչեւ Զինված ուժերը մտնելը, գյուղատնտեսությամբ էր զբաղվում»,-ասաց գյուղապետը:
Ավելի վաղ հայտնել էինք, որ Հայաստանի ԶՈւ-երը ամեն ինչ արեցին սահմանում իրավիճակի կայունության համար, սակայն ադրբեջանական կողմը կրկին սադրում է սահմանի լարվածությունը: Հայաստանի ՊՆ մամուլի քարտուղար Արծրուն Հովհաննիսյանը Facebook-ի իր էջում գրել է, թե հունիսի 26-ին, ժամը 18:30 սահմաններում հակառակորդը ՀՀ Նախիջեւանյան սահմանի Սյունիքի մարզի Գորհայք բնակավայրի հայկական դիրքերի ուղղությամբ, կիրառելով նաեւ մեծ տրամաչափի զենքեր, ակտիվ կրակ է վարել: Հայկական կողմի պատասխան կրակից հետո հակառակորդը կրել է բազմաթիվ կորուստներ, սակայն մարտի ընթացքում ցավոք զոհվել է նաեւ ՀՀ ԶՈւ զինծառայող, շարքային պայմանագրային Արման Մայիսի Եփրեմյանը, ծնված 1987թ:
ՀՀ ՊՆ-ը ցավակցում է զոհված հայորդու հարազատներին ու ծառակիցներին եւ նշում, որ հակառակորդի ոտնձգությունները անպատասխան չեն մնա: Հատկանշական է որ այդ հենակետերի հատվածում վերջին մեկ տարում կրակահերթեր առհասարակ չէին եղել, նշել է Հովհաննիսյանը: