Պուերտո Ռիկոն ի վիճակի չէ ամբողջովին մարել այս պահին արդեն 72 մլրդ դոլար կազմող պետական պարտքը։ Այս մասին New York Times-ին հայտարարել է կղզու նահանգապետ Ալեխանդրո Գարսիա Պադիլյան։
Ինչպես հայտնում է թերթը, ԱՄՆ-ի հետ ասոցացված այս կղզի-պետության նահանգապետն ու վարչակազմի անդամները մտադիր են իրենց վարկատուներից պայմանների մեղմացում խնդրել, ինչը կարող է նշանակել մինչեւ 5 տարի ժամկետով որոշ վճարումների երկարաձգում կամ ներկայիս վճարումների ամբողջական մարման ժամկետների էական երկարաձգում, գրում է ՏԱՍՍ-ը։
Նահանգապետը հեռուստաուղերձով դիմել էր իր երկրի 3.6 մլն քաղաքացիներին։