ՌԴ Կոմի Հանրապետության Սիկտիվկար քաղաքում երկուշաբթի վթարային վայրէջք է կատարել «Կոմավիատրանս» ընկերության L-410 օդանավը, որն իրականացնում էր Սիկտիվկար-Կոտլաս-Արխանգելսկ չվերթը։ Միջադեպից ոչ ոք չի տուժել, գրում է ՏԱՍՍ-ը՝ վկայակոչելով Սիկտիվկարի տրանսպորտային դատախազ Տատյանա Յակովլեւային։
Օդանավում եղել են 9 ուղեւոր եւ անձնակազմի 2 անդամ։ «Օդանավը վերելքից 20 րոպե անց վերադարձել է օդանավակայան»,-ասել է գործակալության զրուցակիցը։
Միջադեպի պատճառները պարզվում են։