Թայվանի իշխանությունները հասարակական միջոցառումների ժամանակ արգելել են գունավոր փոշի օգտագործել այն բանից հետո, երբ ներկերի փառատոնի ժամանակ բռնկված հրդեհից զոհվել էր մեկ եւ վիրավորվել 500 մարդ։

Ինչպես հայտնում է CNA հեռուստաալիքը, Թայվանի վարչապետ Մաո Չժիգոն նման հայտարարություն էր արել կիրակի՝ հիվանդանոցում վիրավորներին այցելելուց հետո, գրում է «ՌԻԱ Նովոստի»-ն։

Ավելի վաղ NEWS.am-ը հաղորդել էր, որ Թայվանի այգիներից մեկում պայթյուն է որոտացել, որի հետեւանքով շատերի մոտ մինչեւ 40 տոկոս այրվածքներ կան։

Բռնկումն ու պայթյունը եղել են Սինբեյ քաղաքի այգում։

Դեպքը եղել է այն վայրում, որտեղ ընթանում էր Color Play Asia ներկերի փառատոնը։ Ականատեսների վկայությամբ, ինչ-որ փոշու մեծ քանակություն օդ է նետվել, ապա պայթյուն է  եղել։ Պայթյունի պատճառները դեռ չեն պարզվել, իշխանությունները հետաքննություն են իրականացնում։