Հունիսի 8-ին, ժամը 08.50-ին, ոստիկանության Երեւան քաղաքի վարչության օպերատիվ կառավարման կենտրոնից Նոր Նորքի բաժնում հաղորդում էր ստացվել, որ իրենց է զանգահարել 51-ամյա Օլեգ Մ.-ն եւ հայտնել, որ նույն օրը, ժամը 02.30-ից 08.00-ն ընկած ժամանակահատվածում, բաց դռան հանգամանքից օգտվելով, Երեւանի Գայի պողոտայում գտնվող շինության պահակակետից գողացել են 44-ամյա Զոհրաբ Ն.-ի շինարարական գործիքները` պատճառելով 485.000 դրամի նյութական վնաս:
Ոստիկանության մամուլի ծառայությունից հայտնում են, որ ոստիկանության ծառայողները հունիսի 28-ին, ժամը 19.00-ին, Երեւանի Գայի պողոտայի թիվ 4 շենքի մոտից, գողություն կատարելու կասկածանքով, բերման են ենթարկել 30-ամյա Ստեփան Գ.-ին, որը խոստովանել է, որ նշված գողությունն ինքն է կատարել:
Կատարվում է քննություն:
